काठमाडौं : अमेरिकामा बस्दै आएकी नेपाली युवती प्रतिज्ञा (प्रमिस) तामाङ फानले विश्वलाई नै चकित पार्ने मेकअप कला देखाउँदै आएकी छन् । उनी कुनै व्यवसायिक मेकअप आर्टिस्ट होइनन् तर उनको कला हेर्दा उनी असाधारण प्रतिभा भएकी नेपाली युवती हुन्, जसले संसारलाई नै चकित पारेकी छन् । उनी संसारमा आफूलाई मन परेका प्रसिद्ध कलाकार तथा व्यक्तित्व झल्काउन आफैं मेकअप गर्छिन्, त्यो मेकअपपछि उनी त्यही कलाकार वा प्रसिद्ध व्यक्तित्वभन्दा भिन्न देखिन्नन् ।यी युवतीको अद्भूत मेकअप कलाका बारेमा प्रसिद्ध बेलायती अखबार द सन, डेली मेललगायत धेरै पत्रपत्रिकाले लेखेका छन् र फोटो छापेका छन् । उनले यस्तै मेकअप गरेर फोटो राखेको फेसबुक पेजमा तीन लाख १२ हजारभन्दा बढीले लाइक गरेका छन् । उनले आफ्नो कलाको भिडियो खिचेर युटुवमा पनि राखेकी छन् । युटुवमा उनको भिडियो लाखौं दर्शकले हेरेका छन् ।
तामाङले यस्तो मेकअपका बारेमा कतै प्रशिक्षण लिएकी पनि होइन् । आफ्नो सानैदेखिको सोखका कारण यस्तो मेकअप कला आफैले सिकेको बताउने यी युवतीले आफ्नो कलाको प्रशंसा गर्ने परिवारका सदस्य तथा शुभचिन्तकलाई धन्यवाद पनि दिएकी छन् ।
उनले विश्व प्रसिद्ध चित्र मोनालिसा, कलाकार माइकल ज्याक्सन, एन्जलेना जोली, जस्टिन विवर, केटी पेरी, जेसिका र्याविट, रिहन्ना, टेलर स्विफ्ट, निक्की मिनेज, डेनिस राजकुमारीलगायतका भेष धारण गरेर संसारलाई चकित पारेकी छन् । उनले यी कलाकारका रुप धारण गरेर खिचेको फोटो हेर्दा वास्तविक कलाकार र ती फोटोमा कुनै भिन्नता देखिदैन ।
तपाइँ पनि हेर्नुहोस् यी नेपाली युवतीको यो अद्भूत कला :
