हलिउड बलिउड संगै पछिल्लो समय उत्तरी छिमिकी देश चीनले छायांकन गरेर प्रदर्शन गरि सकेको फिल्म हो “Up in the Wind”।

नेपाल बिस्तारै अन्तराष्ट्रिय फिल्महरुको छायांकनको रोजाईको गन्तब्य बन्दै गएको छ । भौगोलिक बिबिधता, प्राकृतिक सुन्दरता र विभिन्न कला संस्कृति र भेषभूषाले नेपाल आफैंमा एक फिल्म स्टुडियो सरह छ । हलिउड बलिउड संगै पछिल्लो समय उत्तरी छिमिकी देश चीनले छायांकन गरेर प्रदर्शन गरि सकेको फिल्म हो “Up in the Wind”। ३१ डिसेम्बर २०१३ मा प्रदर्शन भएको सो फिल्म काठमाडौँ, पोखरा र चितवनमा छायांकन गरिएको थियो । जम्मा १०७ मिनेट को चलचित्रमा नेपाली र चिनिया भाषा मण्डरिन प्रयोग गरिएको छ । चलचित्रको प्रदर्शन पछि भएको समीक्षाहरुमा पनि नेपालको बारेमा चर्चा गरिएको थियो । यस्तै बिदेशी चलचित्रहरुको नियमित रुपमा सुटिंग हुन सकेमा नेपालको प्रचार प्रसारमा ठुलो सहयोग पुग्न सक्ने छ ।