पैसा लिएर पदपुर्ती, आफ्नालाई मात्र मौका, क्षमतावानलाई पाखा लगाउने यहि हो लोकतन्त्र ?
भुकम्प गएको ३० महिना वित्यो । यो तिस महिनामा भएको मुख्य काम भनेको भुकम्प पिडितका नाममा चरम राजनिती र ४÷४ पटक यसका सिइओ परिर्वतन भए । आँफु न्यानो घर, एसीयुक्त गाडी र अफिसमा बसेकाहरुले अब भूकम्प पीडितलाई तेस्रो हिउँद पनि टहरामै विताउन बाध्य बनाएका छन् ।
आफ्नो दुनो सोझ्याउनेहरुले पाप धर्मको पनि ख्याल गरेन्न । यस अघिका सिइओलाई कांग्रेसको टिकट प्यारो भो र प्रतिनिधी सभामा सांसद बनेर आउने लोभमा राजिनामा दिएर गए । राजनिति मार्फत जनताको सेवा गर्ने सोच बनाएका पुर्व सिइओ डा गोविन्द पोखरेललाई जनताकै सेवा गर्नु थियो त पुननिमार्ण प्राधिकरणमै बसेर गर्न सक्थे तर उनलाई पनि थाहा छ कि यो देशमा कमाइ राजनितीमा नै छ ।
सदैव लाभका लागि प्रयोग हुँदै आएको पुन निमार्ण प्राधिकरणको प्रमुख कार्यकारी निर्देशकमा फेरी पावर चल्यो र काँग्रेस नेता रामचन्द्र पौेडेलका सम्धीज्यु युवराज भुषाल नयाँ सिइओ बन्नु भयो । रामचन्द्र पौडेलका सम्धी हुँदैमा नियुक्ति नपाउने भन्ने त छैन तर यहाँ सबका सबलाई थाहा छ कि ठुला नियुक्तिमा ठुलो आर्थिक चलखेल हुन्छन्, नाता गोता पर्नेलाई खोजी खोजी ल्याईन्छन् । र योग्यहरुलाई पाखा लगाइन्छ । पदको दुरुप्रयोग गरी यस्ता यस्ता नियुक्ति गरीन्छ कि क्षमतावान हुँदैमा केही लाग्दैन ।
त्यसैले आजभोली कर्मचारीहरु राम्रो काम गर्नुभन्दा पावर सेन्टरको सेटीङमा ध्यान दिन्छन् । यहाँ इमान्दारी पुर्वक राम्रो काम गरेर केही लछारपाटो लाग्दैन बरु ठुला पार्टीका नेताहरुको चाकडी बजायो भने रातारात माथी पुगिन्छ । मुलुक र जनताको हित चिताएर माथि पुग्ने वातावरण नै नभएपछी कस्ले राम्रो काम गर्छ ?
राजनितीक पहूँच पुगेरै होला मुलुकले आजै तेस्रो बरियताक्रममा रहेका लोकदर्शन रेग्मीलाई मुख्य सचिवका रुपमा पायो । न कसैको डर , न लोकलाज, मानौ जनमत अंशमा पाएको सम्पत्ती हो । पैसा लिएर पदपुर्ती,आफ्नालाई मात्र मौका,क्षमतावानलाई पाखा लगाउने यहि हो लोकतन्त्र ?
गज्ज्बको कुरा त के भने नवनियुक्त पुननिमार्ण प्राधिकरणका सिइओले भनेछन् ‘माघ २ गते भुकम्प दिवसको दिनमा देखीनै गरी काम गर्ने छु ।’ देखीने गरी ? के देखीने गरी ? सर यस्तो लाजमर्दो कुरा पनि गर्नु हुन्छ ? यस अघिकाले पनि देखीने गरी काम गरे,भुकम्प पिडितले छोपी दिए अब तपाइले पनि देखीने गरी काम गर्नु भो भने छोपी दिने चाही कस्ले ?